Pom Raban G-KRIS Pom Masuk Nyadi Raban Download here
Daunlod
1) TAMPAI (VISION):
Gerempong mision ti regas ngerembaika Injil ngena Jaku Iban di serata dunya.
2) TUJU (MISSION):
2.1 Jaku Tuhan - Nirika bala ti ransingka Jaku Tuhan ti ulih nguingka runding enggau penemu bala ti bejaku Iban ngagai perintah Allah Taala. (2 Tim 3:16)
2.2 Begempong - Ngangkatka pemereti antara gerija awakka nyadi saksi ti bekuasa pasal pengerindu Allah Taala. (John 17:21-23; Mat 28:19-20)
2.3 PEMADAS -
(Palan Pemela)
Ngaga perengka dikena ngajar sereta ngelatih ketuai ngereja pengawa gerija
3) RABAN G-KRIS:
3.1 Raban Aktif G-KRIS - Dibuka ngagai siku-siku orang (individuals) ti sanggup meri diri ngemansangka G-KRIS. Bayar RM100 siku setaun mesti diterima dalam kandang sebulan udah peminta dikemendarka. Raban Aktif bisi kuasa ngundi (siti undi ka siku raban aktif).
3.2 Kaling (Partners) G-KRIS - Dibuka ngagai siku-siku orang (individuals) tauka gerempong baka gerija. Kaling G-KRIS nadai bebayar, tang diperangsang meri pemeri (donation) sepeneka ati. Kaling G-KRIS nadai kuasa ngundi.
3.3 Pemendar Nyadi Raban – Pemendar nyadi raban aktif tauka kaling G-KRIS semina ditentuka ulih Raban Pengarah ngena jalai undi 50% tambah satu. Raban Pengarah tau betanya ngagai orang ti udah diberi nuan kuasa ti bisi ditulis dalam pom.















4) CHARA MASUK NYADI RABAN AKTIF TAUKA KALING G-KRIS:
4.1 “POM MASUK NYADI RABAN” -
Pom tu bisi diberi ba website G-KRIS. Kirumka pom ti udah di-isi penuh nuju Sekretari G-KRIS (Pastor Saripah Anak Belaja) ngena email endusari@gmail.com tauka ngena surat
ba address tu: Gerempong Kristen Jaku Iban Bhd, 82-3 Jalan Radin Tengah, Sri Petaling, 57000 Kuala Lumpur, Malaysia (Tel: +603 9057 4575 Fax: +603 9057 2010).
4.2 Pemutus Aum Raban Pengarah -
Udah pom diterima, raban pengarah deka baum ngaga pemutus penemu kalika nerima tauka nolak peminta nuan. Nuan deka diberi nemu pasal pemutus aum nya ngena surat tauka email nitihka address ti diberi dalam pom peminta nuan.
4.3 Bayar Nyadi Raban Aktif -
a. Nuan semina tau mayar enti nuan udah nerima surat ari raban pengarah ti madahka peminta nuan udah dikemendarka.
b. Pasukka duit bayar (RM100 siku setaun) terus ngagai bank atas nama “Gerempong Kristen Jaku Iban Bhd” ba CIMB Bank ngena lumor akaun 14290007562053, lalu kirumka resit bank nuju Sekretari G-KRIS ngena email tauka surat nitihka address ti bisi ditulis di atas enggau pengabis jampat.
c. Udah duit masuk, Treasurer G-KRIS (Chupu Anak Mulok) deka ngirumka resit bayar ngagai nuan nuju address ti ditulis ba pom peminta nuan dikena madahka duit bayar nuan udah diterima G-KRIS.
d. Duit bayar mega tau disua ngagai Chupu Anak Mulok (Treasurer G-KRIS) maya Gempuru G-KRIS ti di-atur sekali sebulan. Simpan resit bayar ke tanda nuan udah bebayar.
4.4 Bayar Nyadi Kaling G-KRIS -
Nuan tau nyadi kaling G-KRIS enggau enda bebayar, tang nuan diperangsang meri duit bantu sebarang nyampau, sebarang maya ngagai G-KRIS. Duit nya tau dipasukka terus ngagai akaun G-KRIS, lalu kirumka resit bank ngagai Sekretari G-KRIS. Udah duit masuk, Treasurer G-KRIS deka ngirumka resit nerima bayar nuju address ti ditulis ba pom peminta nuan. Nuan tau mega nyurungka duit bantu nya ngagai Treasurer G-KRIS maya Gempuru G-KRIS ti bisi di-atur sekali sabulan.
4.5 Sertifikit Raban G-KRIS -
a. Raban Aktif enggau Kaling G-KRIS deka diberi sertifikit Raban Aktif tauka Kaling G-KRIS ti disain ulih President enggau Sekretari G-KRIS.
b. Sertifikit tu semina diberi sekali aja lalu terus ulih dikena se-agi nuan nyadi raban G-KRIS. Tang sertifikit tu deka dikinsel enti raban nuan dalam G-KRIS udah berubah.